A baixa visibilidade pola néboa coa que amenceu este martes o aeroporto coruñés de Alvedro obrigou a desviar dous voos á primeira hora.
En concreto, segundo confirmaron fontes de Aena, un voo procedente do aeroporto Madrid-Barallas Adolfo Suárez regresou ao aeroporto madrileño.
Tamén tivo que ser desviado por baixa visibilidade un voo que partiu do aeroporto de Milán con destino o aeródromo coruñés. Neste caso, aterrou no aeroporto de Peinador, en Vigo.
