Un incendio rexistrado este martes na zona de San Pedro de Visma, na Coruña, queimou polo momento unha hectárea de superficie, segundo o último dato dispoñible. Desde a Consellería do Medio Rural explicaron que se tivo constancia do lume arredor das 15.40 horas e que aínda se agarda por concretar máis información sobre a súa evolución. Ata o lugar desprazáronse un axente, catro brigadas, dúas motobombas e dous helicópteros para traballar nas tarefas de extinción. Polo momento, a superficie afectada confirmada sitúase nunha hectárea.