A Coruña acolle este outono unha nova edición do festival de música electrónica Modulartec. As actuacións levarán a cabo os días 1, 2 e 3 de outubro no planteario da Casa das Ciencias, na capela de San Eduardo de Palavea e no CEI Coruña Estudo Inmersivo, na Cidade do TIC. O concelleiro de Cultura e Turismo, Gonzalo Castro, presentou esta nova edición, que inclúe, informou, un amplo ciclo de concertos de música electrónica no marco dunha cita que se iniciou en 2017.
Na presentación, o concelleiro estivo acompañado polo director do festival, Ricardo Ramos. Trátase dunha proposta con apoio municipal como parte da programación para todos os públicos. Os encontros dividiranse en tres escenarios con presenza, entre outros de Waje Martin, Oliver García, Polifeme, Emil Saiz, MFDR, Xoan Xil e Ivan Torres, ademais de Oh Mr. James, Ou Yuki Conjugate e MSB.
