Unha quincena de artistas de novas tecnoloxías musicais participan na Coruña no festival ‘Beatout’, segundo informa o consistorio sobre unha iniciativa que cumpre a súa sexta edición. O concelleiro de Cultura e Turismo, Gonzalo Castro, visitou este xoves os ensaios previos ao comezo dos concertos, no parque de Santa Margarita, nun evento que terá lugar ata o sábado.

Nel apóstase por novas voces cunha programación na que conflúen o rap, o pop, a electrónica e outras linguaxes alternativas. Na súa visita, Castro puxo en valor a consolidación do festival e a súa capacidade para achegar á cidade novas propostas musicais.