Representantes de Aspanaes — entidade de apoio a persoas con autismo e as súas familias –, así como autoridades, inauguraron a nova de sede da asociación na Coruña. Trátase dun centro de atención temperá e psicoeducativa para nenos e nenas con autismo.
O presidente de Aspanaes, Ignacio Labella; o máximo responsable da Deputación da Coruña, Valentín González Formoso, e a concelleira de Servizos Sociais do consistorio coruñés, Nereida Canosa, asistiron, entre outros, á inauguración.
O centro, segundo expúxose, busca ser un recurso socio-sanitario especializado que reforce a rede de atención ao autismo e que dea resposta “á crecente demanda existente”.
Nunha primeira fase, beneficia xa a un total de 77 menores con TEA a través dos servizos de atención temperá e con estratexias psicoeducativas.
O proxecto foi posible grazas á colaboración entre entidades públicas, empresas privadas e o terceiro sector. A reforma do local, ubicado no edificio Torre Helios do barrio coruñés de Someso, contou con financiamento a través de fondos recadados polo mercado do Nadal de Inditex.
Tambien contou con 261.360 euros de financiamento público da Deputación da Coruña, entre outros fondos, segundo lembrouse na inauguración desta nova sede, con 510 metros cadrados, e que comeza a súa actividade cun equipo profesional multidisciplinar.
ATENCIÓN ESPECIALIZADA
No acto, Formoso subliñou que este espazo está preparado “para ofrecer unha atención especializada, moderna e adaptada ás necesidades das persoas con autismo” e remarcou que permitirá ofrecer atención “a máis de 300 persoas e ás súas familias”.
Mentres, o presidente de Aspanaes agradeceu o apoio da institución provincial, entre outros, para facer realidade, dixo, un proxecto “que nos permite aumentar as prazas de atención temperá e estratexias psicoeducativas”.
Á súa vez, a concelleira de Benestar Social, Nereira Canosa, puxo en valor o novo recurso e o traballo que Aspanes desenvolve desde 1979 para acompañar ás familias con autismo e as súas familias.
Noutra orde de cousas, a deputada de Política Social da Deputación da Coruña, Mar García, visitou as instalacións da Asociación Prol-Minusválidos do Ortegal, en Ortigueira, onde participou na entrega dunha nova furgoneta adaptada para reforzar a atención a persoas usuarias.
