Os servizos de salvamento do Concello da Coruña destacaron un “descenso xeral” no número de accidentes e emerxencias nos areais de titularidade municipal. Os datos cifran en 665 os casos comunicados entre o 15 de xuño e o 15 de setembro. Así informa o consistorio cos datos de incidentes acumulados nas praias e zonas de baño públicas este verán. Respecto da plataforma do Parrote — non xestionada polo Goberno local — apunta que si que experimentou un “aumento significativo de incidentes”.
Segundo expón, este ano o Concello despregou operativos en todas as praias, cun equipo de socorristas municipais integrado por máis de 40 profesionais. Algúns dos areais máis concorridos rexistraron unha caída significativa no monto de incidencias. Entre outros, especifica, Riazor pasou das 220 en 2025 a 143 este ano. De maneira similar, Orzán reduciu de 221 a 140. “No total do ano, houbo 31 asistencias con ambulancias nos areais e zonas de baño da cidade”, detalla. Así, nestas dúas últimas semanas, os accidentes máis frecuentes foron os cortes (30), seguidos de picaduras de escarapote (17), abrasiones ou feridas (11), picaduras de insecto (5) e feridas punzantes (5).
