A escritora e presidenta da Asociación Cultural Tempo Novo de Elviña e Castro, na Coruña, Eli Ríos, denunciou unha agresión verbal e intimidatoria por parte de catro homes aos que pediu que retirasen un equipo amplificador á porta do local.

En redes sociais, explica que na xornada de onte foi “rodeada” e que lle gritaron cando lles pediu “que quitasen a amplificación na porta da asociación”, sinala en relación á súa solicitude.

Por outra banda, sostén que un deles chegou a entrar na oficina “e golpear cousas”. Tamén denuncia “insultos” e que lle chegaron a agarrar do ombreiro, ademais de rodeala cando lles pediu que quitasen “a amplificación da porta da asociación”.

Desde a Asociación Cultural condenouse “a agresión sufrida” pola súa presidenta e asegúrase que o local busca ser “un espazo libre de violencias de calquera tipo”, ademais de facer un chamamento á convivencia.