Despúes de máis de cinco meses, a exposición ‘Steven Meisel 1993 A Year in Photographs’, do lendario fotógrafo estadounidense Steven Meisel, pecha as súas portas cun total de 132.000 visitantes.

A mostra, a segunda promovida pola Fundación Marta Ortega Pérez, realizouse no centro de exposicións do Peirao de Batería da Coruña. A presentación repasaba o traballo desta icona da fotografía durante 1993, que foi un punto de inflexión na carreira do artista. Durante ese ano conseguiu a estreita colaboración coa revista Vogue e logrou ilustrar 28 das súas portadas.

Esta exhibición fotográfica, que foi unha selección especial do propio estudo de Steven Meisel, expuña máis de 100 retratos de homes e mulleres consagrados no mundo da moda e o cinema, como Linda Evanxelista, Carla Bruni, Naomi Campbell, Hamish Bowles, Kyle MacLachlan, Claudia Schiffer, Jaye Davidson, Barbra Streisand, Marlon Richards, Isabella Blow, Amanda Harlech e Twiggy.

‘FUTURE STORIES’

A exposición visitábase de maneira gratuíta, pero o recadado neste evento, polos beneficios de venda de merchandising e visitas guiadas, serán destinados para o financiamiento do proxecto da segunda edición ‘Future Stories’, da Fundación Marta Ortega Pérez.

Este proxecto está orientado a novos artistas no inicio da súa carreira. A primeira edición do proxecto foi unha colaboración coa Facultade de Belas Artes de Pontevedra (Universidade de Vigo) e o museo Marco de Vigo, polo cal dez estudantes, do último curso da facultade, recibiron unha bolsa para o desenvolvemento dos seus proxectos artísticos baseados nos seus Traballos de Fin de Grao. Estes proxectos expuxéronse no museo Marco entre o 7 de outubro de 2022 e o 8 de xaneiro de 2023 dentro dunha mostra colectiva.