A Deputación da Coruña celebrou o seu último pleno do actual mandato, coa aprobación de asuntos por unanimidade como a asignación das primeiras partidas do Plan Único.

Serán 47 millóns que inclúen financiamento de 200 obras nos municipios da provincia e sete millóns de euros para o financiamento de gastos sociais dos concellos.

“Trátase da primeira achega do POS+2023, que este ano conta cun orzamento total de 89 millóns de euros para os 93 concellos coruñeses”, informa a institución provincial.

O Plan Único é o maior plan de obras e servizos do catro deputacións galegas, con achegas económicas aos municipios que, ao final do ano, representan entre 90 e 100 millóns de euros anuais, case a metade do orzamento da Deputación da Coruña.