Propuña esta semana o alcalde de Santiago, Xosé Sánchez Bugallo, unha candidatura conxunta coa Coruña para albergar a  Axencia Española de Supervisión da Intelixencia Artificial (Aesia). Petición que rapidamente foi descartada pola alcaldesa da Coruña, Inés Rey.

A pesar do que cualificou como “persistencia” do alcalde de Santiago, insistiu en que a postura do goberno local coruñés pasa por solicitar a sede para A Coruña. Ademais, expuxo que “non existe a posibilidade de que existan dúas sedes, nin no Boletín Oficial do Estado nin na convocatoria”.

“Hai que deixar de lado esas cuestións, son imposibles a pesar da insistencia do alcalde de Santiago”, manifestou en referencia ao seu compañeiro de partido.