O Salón do Cómic ‘Viñetas desde o Atlántico’ rende homenaxe a Calpurnio cunha mostra, ademais contará este xoves, 10 de agosto, coas firmas dos autores Emma Ríos e David Rubín.
Entre as propostas expositivas desta 26 edicón, poderase visitar ‘Homenaxe a Calpurnio’ unha mostra comisariada por Álvaro Pons e Asier Mensuro que supón a primeira homenaxe pública ao ilustrador Eduardo Pelegrín, recentemente falecido.
Por outra banda, a biblioteca Durán Loriga acollerá o último dos talleres infantís de iniciación á banda deseñada. Tamén terminará a última sesión do taller profesional express de novela gráfica, ambos os organizados por Coruña Gráfica. Para o público familiar, durante a mañá estará dispoñible a comicteca infantil, no Palco da Música de Méndez Nuñez, espazo que tamén acollerá novos talleres para nenos e nenas.
