Dúas persoas foron detidas na Coruña pola agresión a un home ao que golpearon cunha cadea, segundo informaron fontes policiais. Os feitos producíronse na tarde do domingo, ao redor do cinco da tarde, na zona da rúa Ribeira Sacra, no barrio de Novo Mesoiro. Os detidos son un home e unha muller de mediana idade que mantiveron, segundo as fontes policiais, unha discusión co home sen que transcendesen os motivos. Durante a agresión, houbo puñadas, ademais do uso dunha cadea por parte dun dos agora detidos como suposto implicado na mesma.