A banda estadounidense de rock alternativo Dinosaur Jr actuará por primeira vez en Galicia o sábado 18 de novembro, no Teatro Colón da Coruña, nunha das súas dúas únicas actuacións en España neste ano 2023.
Segundo informou o Concello da cidade herculina, as entradas para esta actuación xa están á venda.
Nesta xira, Dinosaur Jr presenta o seu último traballo, publicado na primavera de 2021, ‘Sweep In Into Space’. Trátase do seu décimo segundo disco de estudo, o quinto desde o seu retorno aos escenarios en 2007.
A banda formada por J Marcis, Lou Barlow e Murph, engade o consistorio, é “un dos grandes referentes” do rock alternativo americano, “cun estilo no que mesturan grunge, rock alternativo ou noisepop”.
