Medio millar de profesionais da sanidade pública galega acodiron este mediodía de xoves 16 de novembro á manifestación convocada polo colectivo “A Por Todas (APT)” nos arredores do CHUAC. Unha concentración enmarcada na serie de mobilizacións realizadas en vilas de toda Galicia, para demandar mellores condicións laborais e a “recuperación” dos seus dereitos.
Co lema “Sen persoal, non hai sanidade” e con arengas como “Xerente, escoita estamos en loita”, “Autoxestión, Que dimita a Dirección”, ou “A loita é o único camiño”, as enfermeiras rodearono CHUAC rodeadas de profesionais de distintas categorías, como médicos, celadores, técnicos…
As demandas
Tras enviar sendos escritos ao Sergas e á Valedora do Pobo, decidiron continuar coas mobilizacións para reclarar os dereitos que foron perdendo nas últimas dúas décadas, melloras nos cocientes Enfermeira-paciente, estabilidade laboral e recoñecemento profesional:
- Mellora das ratios enfermeira-doente.
- Mellora da contratación, a estabilidade da mesma e transparencia.
- Recuperación do 100 % da paga extra.
- Recuperación dos 3 LDs.
- Recoñecemento do solape de xornada.
- Retribución do plus de festivo os sábados (M-T).
- Retribución xusta e igualitaria das horas fóra de xornada ordinaria.
- Encadre da carreira profesional, acorde co tempo trabajado,e incluíndo o da UE.
- Exención de noites voluntarias a partir dos 55 anos, sen perda retributiva nin aumento da xornada ordinaria.
- Xubilación anticipada aos 60 anos.
- Recoñecemento da categoría A1.
APOIO DO COLEXIO DE ENFERMERÍA
A Xunta directiva do Colexio Provincial de Enfermaría da Coruña volve amosar o seu apoio ás reivindicacións do colectivo enfermeiro A por todas. Critica “a inexistencia de respostas por parte das autoridades sanitarias”, e pon nome ás demandas:
Máis novas
