A Universidade da Coruña (UDC) aprobou, na sesión do Consello de Goberno, unha declaración sobre Palestina na que demanda un alto ao lume inmediato en Gaza.

Tamén, segundo informa o reitorado, o cumprimento polo Estado de Israel das resolucións da ONU que esixen a súa retirada dos territorios ocupados.

A iso, suma o “apoio activo á Corte Penal Internacional para investigar os crimes de guerra e de lesa humanidade cometidos en Palestina”.

Na mesma, lémbrase que en outubro a UDC adheriuse á declaración da Conferencia de Reitores das Universidades españolas (CRUE) rexeitando “a escalada bélica” e manifestando a solidariedade coa poboación civil e as comunidades científicas e universitarias de Palestina e Israel.