InicioCULTURAA AMEGA descobre a historia dos medios en galego da cidade

A AMEGA descobre a historia dos medios en galego da cidade

Publicada o

Por Ubaldo Cerqueiro

Ademais do Festival de Música Galega contemporánea deste xoves, e para o que xa non hai entradas, a Asociación de Medios en Galego (AMEGA) prepara para esta semana outra cita cultural no marco do programa do Día dos Medios en Galego. Un programa que nace lembrando a saída da primeira publicacición en galego, O Tío Marcos da Portela, un 7 de febreiro de 1876. Este 2024 cúmprese ademais o 175 aniversario do nacemento do seu promotor, Valentín Lamas Carbajal.

Así, este sábado 24 de febreiro a entidade, en colaboración con este mesmo Xornal da Coruña e a Asociación Cultural Alexandre Bóveda, convoca un Roteiro-cortexo xornalístico, vinculado coa nosa lingua, polo barrio de Monte Alto.

O roteiro será conducido por Xurxo Souto, e arrincará ás 12:00h do Campo de Marte, onde Ubaldo Cerqueiro explicará quen forma a AMEGA e debullará o nacemento do Xornal da Coruña, o primeiro gran xornal dixital exclusivamente en galego da Coruña e a súa área metropolitana.

Ás 12:20h farase parada na Oficina de Luzes, con Xosé Manuel Pereiro.

A seguinte parada será ás 12:45, no IES Zalaeta, no que foi a imprenta do Hospicio, onde aló por 1860 se imprime Vello Pico Sacro, unha das primeiras publicacións na nosa lingua. Será Xoán Costa, de Nós Diario, o que nos conte a historia e nos fale do proxecto do único diario en galego que sae en papel.

Ás 13:00h achegarémonos ata o Papagaio, para render unha pensa homenaxe a Luisa Villalta e mais A Nosa terra, con Carmela Galego e María Xosé Bravo, da AC Alexandre Bodeva.

E o fin de festa será no Campo da Leña, onde Tomás Legido lembrará a potencia social da CUAC FM. Xurxo Souto brindarános unha alegre despedida, e se cadra cae algunha sorpresa.

Máis novas

A Coruña enche o Festival do Día dos Medios en Galego

A rede da A.C. Alexandre Bóveda

A AMEGA organiza un roteiro e un festival de música galega contemporánea na Coruña polo Día dos Medios en Galego

ÚLTIMAS

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

Maxia e humor

Teño un problemiña cos magos e os humoristas. Dende a máis tenra infancia. Póñome...

Presentan un informe para solicitar a eliminación de 373 símbolos franquistas na cidade da Coruña

Continúa a sociedade herculina presionando para que o Concello cumpla a Lei de Memoria...

DEIXAR UN COMENTARIO

Please enter your comment!
Please enter your name here