O Concello da Coruña abre este martes, 12 de marzo, o prazo para solicitar as subvencións a entidades sociais sen ánimo de lucro.
Serán, segundo informa, destinadas as actividades ou proxectos de interese social en materia de igualdade e diversidade e para as asociacións veciñais.
No ámbito da igualdade e da diversidade as axudas ascenden a 150.000 euros distribuídos en dúas liñas. En concreto, a primeira, dotada con 90.000 euros, está destinada ao fortalecemento e o empoderamento do movemento asociativo.
A segunda, con 60.000 euros, ten como obxectivo realizar actividades de prevención das violencias machistas e atención ás vítimas, accións pola defensa do recoñecemento e os dereitos das persoas LGTBQI e de promoción da igualdade de xénero. Para as asociacións veciñais, son 60.000 euros.
Por outra banda, desde este luns pódese optar a unha das 48 prazas semanais de ensaio para o próximo semestre nos locais de ensaio do Concello da Coruña.
As persoas interesadas poden descargar os impresos desde locaisdensaio.blogspot.com e evnialos a xuventude@coruna.gal. O prazo ordinario de inscrición rematará o 3 de abril. Os novos horarios resultantes deste proceso comezarán a aplicarse a partir do 22 de abril.
