InicioCULTURAAs Fillas de Cassandra revolucionan o Noroeste

As Fillas de Cassandra revolucionan o Noroeste

Publicada o

Por Ubaldo Cerqueiro

O ano pasado xa as vimos triunfar no Atlantic Pride, facendo cantar o Varre Vasoira a toda a Praza de Pontevedra. En febreiro deste ano xa comprobamos a súa progresión no Festival dos Medios en Galego. E onte fomos testemuñas do que xa é unha auténtica realidade da música galega contemporánea, enchendo de tradición e vangarda toda unha praia de Riazor.

Porque o Festival Noroeste segue a ser unha das referencias musicais do verán en Galicia. A pesar dos recortes, da tardanza na súa publicación, e de tantas cousas, o Noroeste segue a estar nos corazóns de todos os coruñeses, que volveron encher o areal para gozar, desta volta, ao son da música galega.

Esa potencia que amosan no escenario, esa combinación de tradición e vangarda, de pandeiretas e aturuxos con electrónica, que demostra que a liberación da muller é máis que unha realidade, fai das Fillas de Cassandra unha das bandas máis características da revolución da música galega contemporánea. Así o cercioraron facendo bailar a toda a praia, contando co apoio no escenario das bravas de De Ninghures, e con outra da rebelión do tradi galego, Mondra. Xuntas botaron un “Punheta” que quedará na memoria da cidade.

Da praia de Riazor ao ceo!

 

View this post on Instagram

 

A post shared by Xornal da Coruña (@xornaldacoruna)

O Xoel máis caribeño

De seguido tocou unha das figuras máis esperadas. Xoel López entregouse ao seu público 12 anos despois da súa última aparición no festival. E fíxoo cos seus ritmos máis caribeños, mesmo lanzando unha homenaxe a Juan Luís Guerra cantando coa súa banda de homes o “Ojalá de llueva café en el campo”.


A noite pechárona os ritmos divertidos dos Crystal Fighters.

O programa

A música galega volverá estar presente na xornada do sábado con The Rapants. Os muradáns saltarán aos escenario á 1:00h despois das guitarras salvaxes dos coruñeses Triángulo de Amor Bizarro (unha referencia en todo o estado) e Vetusta Morla.

Xa temos programa do Festival Noroeste 2024

Máis novas

O Noroeste, o festival que esmorece

De Ninghures e Fillas de Cassandra trouxeron a festa dos medios en galego á Coruña

As Fillas de Cassandra ou o destape da música tradicional galega

 

ÚLTIMAS

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

A Coruña aposta por un Nadal “sustentable e responsable” nunha nova edición da Casa dos Xoguetes

O Concello da Coruña, a través da Oficina Municipal de Información ao Consumidor (OMIC),...

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

DEIXAR UN COMENTARIO

Please enter your comment!
Please enter your name here