A Policía Nacional mantén unhas dilixencias abertas para tentar pescudar as circunstancias do incendio rexistrado este luns en camións da empresa concesionaria do servizo de recollida de lixo na Coruña.
Así o informaron fontes consultadas por Europa Press que precisaron que no caso traballan axentes adscritos ao servizo da Policía Científica. Fano para tratar de determinar se hai vestixios do uso de acelerantes ou non e de cara a determinar se o incendio “foi intencionado ou un accidente”.
No lume, un total de seis camións resultaron calcinados na tarde deste luns nas instalacións da concesionaria, Prezero. Sobre as 16:15 horas, un particular alertou de que ardían varios camións nunha nave parcela ao aire libre anexa a unha nave de San Cristovo das Viñas
Posteriormente, recibiuse a chamada doutras persoas avisando tamén do incendio que queimou por completo catro vehículos e dano outros dous. O suceso produciuse unhas semanas despois de que concluíse a folga no servizo de recollida de lixo, un conflito que supuxo a declaración da emerxencia sanitaria por parte do consistorio.
