InicioM.AMBIENTE E PATRIMONIOO Xardín de San Carlos poderían abrir na primavera de 2025

O Xardín de San Carlos poderían abrir na primavera de 2025

Publicada o

Por editor

Dende maio do 2023 leva pechado o Xardín de San Carlos. Un espazo cheo de historia que xa sufrira un peche durante o 2022, e que vén de coñecer cal é o seu Plan de Recuperación Integral ante a enfermidade de varios dos exemplares botánicos.

Preguntaba o PP en outubro do ano pasado pero non foi ata hoxe cando o concelleira de Infraestruturas e Mobilidade, Noemí Díaz informou do Plan, que se levará a cabo un investimento inmediato de máis de 200.000 euros (que será aumentado). Os plans municipais pasan por abrir ao público o xardín de San Carlos durante a primaveira do ano que vén.

As obras consisten na substitución dos 13 olmos afectados polas pragas de grafiose. “Son as árbores que non superaron a enfermidade, que serán retiradas e substituídas por outros tantos exemplares resistentes ao fungo”, explicou a concelleira, que deu conta do cronograma de traballos previsto polo Executivo municipal.

Por agora están realizando un plan especial de protección da muralla que acouta o xardín, para evitar desprendementos sobre a vía pública. En paralelo, licitarase nas vindeiras semanas unha diagnose completa do estado da muralla que culminará coa redacción dun proxecto para a súa rehabilitación integral.

A retirada dos olmos afectados comezará o vindeiro luns 21, traballos que durarán durarán dúas semanas. Unha vez finalizada a retirada, realizarase unha ampla sondaxe arqueolóxica para coñecer en detalle o estado e a morfoloxía dos xardíns. Esta quenda de traballos rematará en febreiro do 2025.

E, xa a continuación, o Concello iniciará as tarefas de plantación das novas árbores (xa reservadas nun viveiro de Alemania, todas cun perímetro de tronco de 35 centímetros e unha altura de oito metros) proceso que levará aproximadamente dez días.

Máis novas

Olladas doutro tempo: O Xardín de San Carlos

O PP pregunta pola reapertura do Xardín de San Carlos

 

 

ÚLTIMAS

A UDC destaca o apoio do pleno a Medicina: “Reforza a vontade de traballar na proposta”

O reitor da Universidade da Coruña (UDC), Ricardo Cao, mostrouse "moi satisfeito" polo apoio "unánime"...

Máis control no consumo de alcol en menores na Coruña

Axentes do Corpo Nacional de Policía e da Policía Local puxeron en marcha un...

O longo pleno sacou adiante a nova Taxa Turística, a ordenanza das VUT e a de mobilidade sostible

Longo pleno en María Pita. Máis de 9 horas de pleno (cun par de...

Noites do Porto mergullarase máis que nunca no ecosistema coruñés

Acolleu onte o mítico Bristol (na rúa Torreiro), a presentación do diverso festival Noites...

DEIXAR UN COMENTARIO

Please enter your comment!
Please enter your name here