A nova edición do Gozo Festival 2025, que se volverá a desenvolver co impulso da Xunta de Galicia, suma dous novos nomes ao seu cartel, o de Alanis Morissette e o de Lionel Richie. Ambos os artistas actuarán no Coliseum da Coruña o próximo mes de xullo, o 9 e o 31 respectivamente. Trátase da cuarta e quinta confirmación do Gozo Festival, tras o anuncio dos concertos de Franz Ferdinand o 15 de febreiro na Coruña, de Anastacia o 16 de marzo en Vigo e de Lenny Kravitz o 10 de abril na Coruña.
Desde 1995, Alanis Morissette foi unha das cantautoras e artistas “máis influentes da época contemporánea”, tanto a súa música como as súas actuacións foron aclamadas pola crítica e foi galardoada con sete premios Grammy. As entradas para o seu concerto na Coruña, que se enmarca na súa xira mundial para o próximo ano, poranse á venda o 24 de outubro ás 09.00 horas en Livenation.es, Ticketmaster e Ataquilla.
Pola súa banda, Lionel Richie conta con máis de 125 millóns de álbums vendidos en todo o mundo, un Óscar, un Globo de Ouro e catro premios Grammy, ademais doutras distincións como ser incluído no ‘Rock & Roll Hall Of Fame’. A partir das 10.00 horas do día 25 de outubro estarán á venda as entradas para o seu concerto no Coliseum, que se porán comprar a través de Livenation, Ticketmaster, O Corte Inglés e Ataquilla. Con todo, está previsto que o 15 de decembro actúe Rod Stewart no Coliseum da Coruña, tamén no marco do Gozo Festival.
