Este luns as traballadoras de ABAI volveron concentrarse diante da tenda de Movistar para denunciar o desmantelamento dos centros de chamadas.
A CGT denuncia que nos últimos anos os cadros de persoal foron reducidos drasticamente no servizo de atención ao cliente (1004) e técnico (1002) de Telefónica. ABAI e Atento, dous das súas principais subcontratas, destruíron centos de postos de traballo nos centros que teñen na Coruña.
O representante da CGT en ABAI Coruña resalta que “as teleoperadoras temos que atender chamadas sen descanso e obrígannos a que estas duren os menos posible. A consulta do cliente é o de menos, o único que quere Movistar e ABAI é que vendamos productos novos”. O representante tamén declara que “as chamadas non desparecen dun día para outros, pero si poden ser desviadas a outras plataformas que se atopan noutros países onde as traballadoras aínda soportan unhas condicións laborais máis penosas que as nosas”.
O sindicato non descarta máis accións se as direccións de ambas empresas non deixan de atacar as vidas das traballadoras e non se comprometen de maneira firme co mantemento dos postos de traballo.
As traballadoras de ABAI Coruña concéntranse diante da tenda de Movistar
