A sección primeira da Audiencia Provincial da Coruña xulgará o luns, día 4, a un home acusado de abuso sexual a menor, segundo informa o Tribunal Superior de Xustiza de Galicia. Fiscalía pide para el seis anos de prisión por un delito continuado de abuso sexual continuado a menor sen penetración e outros dous anos polo de ‘sexting’ (envío ou intercambio de imaxes ou mensaxes de texto con contido sexual explícito) en relación a uns feitos ocorridos en 2019 e “no domicilio no que coincidían”.
Tamén solicita catro anos de liberdade vixiada “que se executará con posterioridade ás penas privativas de liberdade”, explica. Iso con prohibición de achegamento a distancia non inferior a 150 metros respecto da menor, o seu domicilio ou lugar en que se atope, así como de comunicación. Tamén deberá indemnizala con 3.000 euros por danos morais.
