Unha dotación integrada por seis efectivos do Consorcio provincial de Bombeiros da Coruña partiu para Valencia co obxectivo de colaborar nos labores de limpeza e de socorrismo nas zonas afectadas pola DANA.

Esta primeira dotación, integrada por bombeiros procedentes dos parques de Carballo, Betanzos e As Pontes, estará en terras levantinas ata o 15 de novembro, cando outro seis bombeiros, que sairán o día 14, daranlles a substitución.

O equipo, conformado por dous efectivos de cada parque, partiu na mañá deste sábado desde Betanzos con dous vehículos e un remolque con motobombas e outros equipos de rescate, con destino a Valencia, onde se poderán a disposición dos organismos de coordinación da Generalitat para apoiar nos traballos de emerxencia.

O Consorcio Provincial destacou o altruísmo e a dedicación dos bombeiros desprazados e reafirmou a súa total disposición a axudar ás persoas afectadas a recuperar a normalidade canto antes.