Continúan as homenaxes ao Tío Benito do Santo, que comezaron en xuño por unha das súas bisnetas, Emilia Seoane (Piruca) na súa casa de Curtis coa creacón dun mural realizado por Sfhir, artista mundialmente recoñecido e galardoado.
Esta pasada fin de semana, ducias de familiares de Benito Seoane Paredes “o Tío Benito do Santo”, reunironse un xantar no café Express de Curtis. Bisnetas e bisnetos, tataranetas e tataranetos queren recordar e render homenaxe a unha figura emblemática e moi querida en Curtis, pola súa xenerosidade e espírito comunitario materializado na doazón de terreos fundamentais para o desenvolvemento desta vila nos comezos do século XX.
Ademais de menú e mesa tamén compartirán xenealoxía familiar, con datos de ata 10 xeracións de ascendentes e descendentes de Benito Seoane e a súa dona Ángela Sánchez Rendal. Esta familia quere celebrar o sentimento de identidade e orgullo comunitario do que son legatarios por parte do seu bisavó e tataravó Benito.
Máis novas
Curtis xa ten un mural de referencia na honra do Tío Benito do Santo
