A organización anarcosindicalista da Coruña, a CGT, inaugurou este sábado o novo local situado na rúa Entrepeñas coa militancia do sindicato e outros colectivos sociais da cidade.

A xornada comezou cun acto dedicado á recordar a historia do sindicato e da Casa Sindical na cidade así como as persoas que tiveron un papel destacado nos anos de reconstrucción e recuperación da Federación Local Obreira da Coruña, entidade que conta con máis de 150 anos de historia na cidade e que foi e é un referente no movemento libertario, xa que participo una fundación da CNT e, posteriormente, da CGT.

A CGT ten como obxectivo facer deste local un espazo de encontro da militancia do propio sindicato e doutras organizacións. “Queremos que o local da CGT sexa un lugar de encontro onde levar a cabo accións reivindicativas e culturais que nos permitan avanzar na conquista de novos dereitos laborais e sociais para a clase traballadora”.

Os presentes tamén puideron ver a exposición “Muellres libres”, así como o arquivo que conta con numerosos documentos sobre o movemento obreiro e o anarquismo de un gran valor histórico. “Co arquivo e a biblioteca levaremos a cabo actividades divulgativas que sirvan para dar a coñecer a historia da loita da clase traballadora e o movemento libertario”.

Posteriormente, os asistentes tiveron ocasión de gozar de música en directo, a cargo de “Pan de Millo”.