O Concello da Coruña seleccionou as 13 imaxes que formarán parte do calendario municipal do 2025. O xurado, formado polos fotoxornalistas César Quián, Víctor Echave e Pedro Puig, o responsable de fotografía do Concello, Andy Pérez, e os membros da corporación Nereida Canosa, Roberto Coira e Francisco Jorquera, reuniuse nas últimas semanas para analizar as diferentes propostas achegadas para esta edición, cumprindo coa tradición de editar un almanaque formado por imaxes de fotógrafos afeccionados da cidade.
O calendario distribuirase desde o mes de decembro en quioscos.
Este concurso está, como cada ano, aberto á participación cidadá e as fotografías deben tomarse no termo municipal da Coruña. Nas imaxes é necesario destacar o patrimonio cultural, histórico, natural e paisaxístico da cidade. O xurado tivo en conta a calidade técnica e a orixinalidade da imaxe.
Oo almanaque completarase con fotografías históricas da cidade do Arquivo Municipal da Coruña para cada un dos meses do ano.
Este ano, o calendario irá encabezado pola frase ‘Cidade habitada polo vento’, referencia extraída da obra ‘Os libros arden mal’ (2006) de Manuel Rival, Premio Nacional das Letras 2024. As persoas gañadoras recibirán dous libros de fotografía e un ano de acceso gratuíto aos Museos Científicos Coruñeses para dúas persoas.
Máis novas
Estas son as imaxes escollidas para o Calendario da Coruña de 2024
