InicioSOCIEDADEA Cabalgata de Reis cambiará o seu percorrido inicial para evitar os...

A Cabalgata de Reis cambiará o seu percorrido inicial para evitar os lugares máis expostos ao vento

Publicada o

Por europapress

A Cabalgata de Reis da Coruña manterase o día 5, pero variará lixeiramente o seu percorrido inicial para evitar lugares expostos ao vento, segundo informa o consistorio. Será, precisa, ao seu paso polo barrio de Catro Camiños xa que discorrerá, finalmente, pola avenida Fernández Latorre en lugar da rúa Ramón e Cajal. O resto do traxecto, con saída desde a rolda Camilio José Cela e chegada a María Pita, manterase.

“Esta medida tómase co obxectivo de reforzar a seguridade da cidadanía en base ás condicións meteorolóxicas previstas esta fin de semana e, concretamente, o domingo”, expón o goberno local. O motivo para este cambio no percorrido inicial é o de evitar as zonas máis expostas ao vento.

Non entanto, o Concello segue pendente da evolución meteorolóxica nas próximas horas, pero cos datos dispoñibles á data a Cabalgata manterase o día 5 cos horarios previstos “e cumprindo con todos os requisitos de seguridade que, segundo os criterios dos técnicos, fan viable o evento”.

A saída das 13 carrozas será este domingo ás 18.00 horas desde a rolda Camilo José Cela. O percorrido continuará pola avenida de Monelos e irá cara a Alcalde Pérez Ardá e, xa a continuación, pola avenida Fernández Latorre e Costa da Palloza, saíndo cara a Linares Rivas e a praza de Ourense para emprender a marcha final polos Cantóns e a Mariña, rematando na praza de María Pita.

ÚLTIMAS

A UDC destaca o apoio do pleno a Medicina: “Reforza a vontade de traballar na proposta”

O reitor da Universidade da Coruña (UDC), Ricardo Cao, mostrouse "moi satisfeito" polo apoio "unánime"...

Máis control no consumo de alcol en menores na Coruña

Axentes do Corpo Nacional de Policía e da Policía Local puxeron en marcha un...

O longo pleno sacou adiante a nova Taxa Turística, a ordenanza das VUT e a de mobilidade sostible

Longo pleno en María Pita. Máis de 9 horas de pleno (cun par de...

Noites do Porto mergullarase máis que nunca no ecosistema coruñés

Acolleu onte o mítico Bristol (na rúa Torreiro), a presentación do diverso festival Noites...