Tralo rexeitamento da proposta de Orzamentos, e despois da Cuestión de Confianza por parte dos dous grupos da oposición, o grupo Sumar fai a súa valoración.
“É moi preocupante a falta de diálogo do Goberno municipal da Coruña para acordar os orzamentos municipais de 2025” insiste o secretario comarcal de Movemento Sumar Galicia na Coruña, Juan Díaz Villoslada.
Esta situación, “denota unha manifesta crise política case que dende inicio de mandato”, reflicte ademáis unha preocupante falta de capacidade por parte do Goberno municipal de Inés Rey para dialogar, negociar e manter procesos de participación cidadá nos distintos asuntos que máis preocupan na Coruña, máxime se non conta coa maioría suficiente e pretende gobernar ás costas desta realidade”, sinala.
Villoslada, lamenta que “mentres tanto, os necesarios investimentos nos barrios, as axudas ás entidades sociais, económicas, culturais ou deportivas da cidade ou os compromisos con outras administracións públicas en proxectos trascendentais, deben de agardar no caixón”.
Por iso, dende a comarca da Coruña, en Movemento Sumar Galicia consideran de máxima urxencia “que a Alcaldesa e o conxunto do seu goberno cambien de talante e sexan capaces de acordar no Pleno municipal os principais asuntos da cidade, e deixe de someter a toda a veciñanza coruñesa a formas de gobernar nada dialogantes nin participativas que, en definitiva, lastran o impulso da Coruña”.
Máis novas
A cuestión de confianza vinculada aos Orzamentos non sae adiante
Sumar Galicia reivindica que “a vivenda digna é un dereito” e loita contra a especulación
Juan Díaz Villoslada será ao candidato galego na lista de Sumar ás eleccións europeas
