InicioPOLÍTICAJuan Manuel Díaz Villoslada: "(Inés Rey e Lage Tuñas) seguen entendendo unha...

Juan Manuel Díaz Villoslada: “(Inés Rey e Lage Tuñas) seguen entendendo unha forma de acción política que non comparto”

Publicada o

Por editor

Candidato á portavocía do PSdeG, edil na Coruña e, agora, noutro partido. Que pasou para este gran cambio?

A miña saída do Goberno municipal da Coruña durante o mandato anterior debeuse a fondas diferenzas no exercicio da acción política, na forma de entender a política local, que ademáis se deixiu sentir moito na falta de dinamismo e participación da asamblea local. Moitas destas eivas trasladaronse en certa medida tamén ao ámbito autonómico.
Tras meses de valorar o meu desencanto co partido, tiña cada día máis claro esta desafección que deu lugar a miña baixa de militancia. Necesitaba dar este paso para poder abordar novos proxectos, tamén políticos.

E por que non marchaches do PSdeG antes?

Foi un proceso, progresivo, non se pode tomar unha decisión desta complexidade persoal de un día para outro. Hai moito pasado, moitas experiencias, emocións. Pero sempre me sentín con certa libertade persoal para tomar esta decisión cando o considerei máis acaído.

Na túa marcha criticas a actual dirección. Cando falamos da actual dirección, a quen te refires concretamente, a Valentín, Lage Tuñas, Besteiro ou Inés Rey?

A política sempre depende das personas que en cada momento están ao frente dos partidos, de maneira que a deriva que viña observando non pode deixar de ser responsabilidade das dirixencias, sen entrar a personalizar.

O certo é que con Inés Rey e Lage Tuñas hai tempo que non tes boa relación. Por que ese distanciamento?

Entendían e creo que seguen entendendo unha forma de acción política que non comparto, pero prefiro agora mirar xa para adiante.

E de estar no organigrama socialista agora das o salto a Sumar. Por que a Sumar?

Sumar Galicia chámame para participar nun espazo plural, con políticas sociais, ecoloxistas e feministas contrastadas para Galicia, compartindo ideas con persoas procedentes de diferentes sectores con capacidade de integración. Por iso decido apostar por este novo proxecto aberto, necesario para unha verdadeira transformación social e económica galega.

Cal vai se o teu papel na coordinadora?

O meu papel agora vai ser integrarme no grupo promotor para aportar a miña experiencia.

Quen che convenceu?

Tiven a oportunidade de falar con Paulo Carlos López, con Marta Lois e de forma especial con Yolanda Díaz. Pero tamén con amigos e por suposto na casa.

E isto non significa que podes estar chamado a tarefas maiores. Sabes que aínda non hai candidato de Sumar para unhas eleccións inminentes en Galicia… En todo caso, se Yolanda volve a chamarte para liderar este partido cal vai ser a túa resposta?

Nesta etapa inicial meu papel é axudar a lanzar o proxecto de forma colectiva. Entendo que se tratará de pensar nas mellores candidaturas coa incorporación de moita xente de moitos sectores diversos pero con capacidade de integrar unha nova voz progresista para Galicia.

E como ves os problemas que hai con Podemos Galicia?. Cres que poden ir por separado?

Sumar Galicia é un novo proxecto para Galicia, non deberíamos extrapolar miméticamente o que pasa en Madrid.

Ti que ves do ámbito socialista, como verías unha coalición electoral puntual co teu ex partido para evitar, precisamente, a fuga de votos pola esquerda?

Paréceme difícil a idea de coalición, vai ser mellor pensar en alianzas con puntos claros de confluencia programática.

En todo caso, non sería unha boa opción repetir aquela coalición dos noventa co PSdeG e EU-Esquerda Galega?

Son outros tempos, temos que pensar novas fórmulas. A experiencia de Sumar no goberno do estado é de utilidade.

E, xa postos, como ves os comicios en Galicia. O espazo Sumar, antes Galicia en Común, semella que funciona nas eleccións estatais pero non nas galegas. Cres que desta volta vai ser diferente?

Hai que facer este esforzo. Creo que hai moita xente en Galicia que pode recibir ben a Sumar Galicia como un novo proxecto progresista, aberto e plural, claramente galeguista, feminista e ecoloxista, con capacidade para entenderse co resto de partidos da esquerda.

ÚLTIMAS

Kate Ryan, Mocedades, Los Panchos, Los Planetas e Omar Montes actuarán nas festas de María Pita

Kate Ryan, Mocedades, Los Panchos, Los Planetas e Omar Montes serán algunhas das propostas...

Morre un home de 88 anos na praia de Riazor

Un home de 88 anos, con iniciais J.S.M., faleceu este martes cando se bañaba...

Aprobado un novo edificio de 7 pisos na Avenida de Arteixo

Aprobaba onte o Concello da Coruña a autorizacón á promotora Highfive, o proxecto de...

O persoal de recollida de lixos esixe unha reunión ao Concello para resolver o conflito

O persoal do servizo de recollida de residuos sólidos urbanos da Coruña esixiu unha...

1 COMENTARIO

  1. Sumar é um feixe de oportunistas, só isso. É a ferramenta política criada polo PSOE coa finalidade de aniquilar a Podemos, um dos poucos partidos políticos nom financiados pola Banca. Pode dizer o mesmo Iolanda?

DEIXAR UN COMENTARIO

Please enter your comment!
Please enter your name here