Malia non estar xa rúa en continua protesta como estiveron a comezos do ano pasado, o conflito laboral no seo da empresa Jardincelas, cuios traballadores presta Servizos de Xardinería e Instalacións Deportivas do Concello de Culleredo.
Onte tivo lugar unha reunión entre os traballadores e o alcalde de Culleredo. Unha reunión socilitada por UGT unha vez que a empresa se atopa nestes momentos en concurso de acredores, cun Administrador xa designado, que xa solicitou ao Xuíz Concursal un ERE, é dicir, a extinción dos contratos de todos os traballadores inscritos na empresa.
Todo ademais despois de que a licitación dos lotes de mantemento dos xardíns do Paseo Marítimo e O Burgo quedasen desertos. O servizo fora sacado a licitación cun orzamento total de 2.192.889,89 euros.
O rexedor, José Ramón Rioboo, escoitou as demandas laborais do Comité e mostroulles o seu total compromiso co mantemento dos seus postos de traballo. Lembra que a empresa adxudicataria do servizo (xa están traballando no novo proceso de licitación) deberá subrogar aos traballadores e garantir o pagamento que se lle debe aos empregados da mesma Jardincelas.
O rexedor referiuse tamén á sentenza do Xulgado do Contencioso Administrativo número 3 da Coruña, que desestimou a demanda presentada contra o Concello pola propia Jardincelas. A empresa reclamara unha indemnización de 2,3 millóns de euros, máis os xuros devengados. Rioboo asegura que a sentenza conclúe que non está acreditado o enriquecemento inxusto que reclamaba a empresa e que, polo tanto, reafirma a boa fe que houbo ao longo do procedemento.
Por último, a próxima semana o Alcalde comprometeuse a manter unha reunión na que nos dará máis información sobre como se están levando a cabo estas actuacións e para tratar o tema dos Conserxes nas Instalacións Deportivas.
Máis novas
O conflito laboral en Jardincelas volve ás rúas de Cambre e Culleredo
