”A cidadanía non pode quedar reducida a un apéndice decorativo respecto a unha reforma trascendental para o futuro da cidade”, sinala a platacorma cidadá Defensa do Común, en relación ao Plan Coruña Marítima. A entidade veciñal considera que o “documento asinado o pasado 24 de xaneiro entre a Autoridade Portuaria, Concello, Adif, Xunta, Portos do Estado e Ministerio de Transportes e Mobilidade sobre a remodelación portuaria, baixo o título de Máster Plan Coruña Marítima, adolece de falta de concreción sobre aspectos claves que van condicionar todo o proceso posterior”.
Considera necesario que a veciñanza participe na decisión do procedemento do futuro concurso, a ordenación urbanística e os usos dos diferentes peiraos, tres demandas omitidas pola Comisión actual. Fan fincapé na necesidade de “manter a titularidade pública da totalidade dos terreos, o ente público de xestión e a condonación da débeda da Autoridade Portuaria con Portos do Estado”.
Por todo isto, a entidade xunto con AC Alexandre Bóveda e Circo de Artesáns, organizan este martes, día 25, ás 20:00 H, no salón de actos do Circo de Artesáns, unha mesa redonda na que participarán especialistas profundos coñecedores da toda a casuística portuaria como Ruth Varela, presidenta da delegación da Coruña do Colexio de Arquitectos; Miguel Abelleira, director da Escola de Arquitectura; Juan Carlos Corrás, xerente de Pescagalicia e presidente da Lonxa da Coruña e Benedito Álvarez, integrante da plataforma cívica Defensa do Común.
Máis novas
As “luces e sombras” do Master Plan da reforma da fachada marítima que explican a abstención do BNG
Garante o protocolo da Fachada Marítima a titularidade pública do terreos portuarios de San Diego?
