Segue a Rede ACAMPA pola Paz preparando o encontro internacional que se desenvolverá baixo lema “Dereito á Paz” os días 20,21 e 22 de xuño. Un dos eventos sobre a defensa dos dereitos humanos máis importantes e impactantes do estado. E despois dun proceso de participación aberto, a entidade abre as votacións para escoller ás persoas e organizacións e activistas que máis fan polos DDHH.
O 1 de marzo ábrese o prazo de votacións a partir da web da entidade, para escoller quen serán o relevo de Haydeé Castillo e Manuel Martín García, recoñecidos o ano pasado,
No ámbito galego rexistráronse seis candidaturas (por orde de esquerda a dereira e de arriba abaixo)
- Mohamed Safa, escritor e activista defensor do pobo palestino;
- Susana Alaniz, presidenta da Asociación Fuco Buxán.
- APEM (Asociación a prol dos Enfermos Mentais).
- Ibrahima Diack e Maggate N’Diaye, os senegaleses defensores do mozo asasinado Samuel Luiz,
- Xosé Abad, fotodocumentalista impulsor e coordinador da rede Acampa pola Paz ata este ano.
- Marga González, activista de Amnistía Internacional.
Podedes ver aquí toda a información sobre elas.
As Avoas arxentinas da Praza de Maio, o presidente brasileiro Lula da Silva, a UNRWA, MSF, a Relatora Especial da ONU para os territorios palestinos ocupados, Francesca Albanese, a comunidade médico-sanitaria de Gaza, a Agrupación Cidadá pola despenalización do aborto no Salvador, a xornalista gazatí Bisam Owda, a defensora ambiental e de DDHH colombiana Yuli Velásquez, e a ICAN (Iniciativa global para a abolición das armas nucleares) son as propostas na categoría internacional.
Máis novas
Xosé Abad deixa a dirección da Rede Acampa pola Paz tras 9 anos de máxima dedicación
EDICIÓN 2024:
EDICIÓN 2023:
A cidadanía herculina demostrou a súa conciencia crítica na Rede Acampa
