O sábado 6 de abril o Centro Sociocultural Ágora acollerá unha xornada moi especial artellada pola Asociación Galega de Artesáns. “Oficios en Acción” convírtese nunha nova xornada de divulgación e posta en valor da artesanía, que ofrece unha serie de obradoiros de acceso gratuíto e aberto a todos os públicos.
Durante a xornada as persoas asistentes terán a oportunidade de participar en diferentes actividades, desde a encadernación xaponesa ata a elaboración de obxectos en coiro, pasando pola creación de xoiería en cera e a confección de pezas de cerámica. Todos desenvoltos por profesionais de marcas galegas como Chuevo, Mioco Deseños, Casperlota, Arsanía Nia, Jatafarta, Códice, A Feiruta…
A organización lembra que os menores de idade deberán estar acompañados dunha persoa adulta durante as actividades. Ademais, debido á capacidade limitada, recoméndase realizar a inscrición previa a través da web www.galegadeartesans.org/oficiosenaccion/.
