O litoral do noroeste da Coruña e a Costa da Morte estarán este domingo en alerta amarela por temporal costeiro, segundo a web de Meteogalicia. O aviso comezará ás 12.00 horas na costa da Coruña e estenderase ata o mediodía do luns. Pola súa banda, na Costa da Morte será de 18.00 horas do domingo ata a medianoite.
Desta forma, as altas presións situadas ao norte de Galicia deixarán forte vento do nordés –de forza sete– entre Estaca de Bares e Fisterra. Durante a xornada do domingo, a comunidade galega seguirá baixo o dominio anticiclónico e haberá ceos con nebulosidade de tipo alto durante a mañá e pola tarde quedarán os ceos despexados.
