A investigadora do Centro Interdisciplinar de Química e Bioloxía da Universidade da Coruña (UDC) Lucía Ageitos participou, como parte da súa estancia predoutoral na Universidade de Peninsalvia (Estados Unidos), nunha investigación sobre o uso de secreciones de ra para combater superbacterias.

Lucía Ageitos, integrante do grupo Pronomar do Centro Interdisciplinar de Química e Bioloxía (CICA) da UDC, realizou a citada estancia predoutoral, co equipo liderado por César da Funete, para desenvolver parte da súa tese. Foi no marco dunha investigación na que se realizan péptidos sintéticos baseados nunha especie de ra chamada ‘odorrana andersonii’. Este anfibio segrega péptidos antimicrobianos que lle axudan a combater infeccións bacterianas e fúngicas para sobrevivir no seu hábitat de augas estancadas.

A investigación, publicada esta semana pola revista científica Trends in Biotechnology, e “cuxa autoría principal”, afirma a UDC, “pertence á doutora Ageitos como parte da súa tese, xera expectativas positivas no desenvolvemento de potenciais antibióticos, vencendo a resistencia das superbacterias ou evitando que devanditos antibióticos eliminen tamén as bacterias boas do sistema dixestivo humano”.