InicioA CORUÑAA mocidade sae á rúa para acabar co negocio da vivenda

A mocidade sae á rúa para acabar co negocio da vivenda

Publicada o

Por Ubaldo Cerqueiro

Histórica manifestación este sábado 5 de abril a celebrada na Coruña no marco do movemento estatal “Acabemos co negocio da vivenda”. Convocada na cidade polo Sindicato de Barrio da Falperra/Os Malllos da Revolteira, a mocidade respondeu enchendo os Cantóns, a Mariña e María Pita. Porque se ben houbo xentes de todas as xeracións, entre elas moita xente maior que seguramente ten o problema da vivenda máis solventado, principalmente foi a mocidade a que protagonizou esta mobilización que ten un lema claro: “A vivenda é un dereito, non un negocio”.

Manifestacion Vivenda Coruna 2

A manifestación partiu do Obelisco, rodeou as obras da Mariña e chegou ata María Pita, ao son de berros (liderados en todos os casos por mulleres aos megáfonos) como “Ser rentista non é un profesion”, “Expropiación, a solución, sen indemnización”, “Folga, folga, folga de aluguer”, ”Os nosos barrios non se venden, se defenden”, “Desokupa, Ilegal”, “Que pasa, que pasa, que non temos casa” ou “O pobo ten dereito a ter traballo e teito”, dando boa conta do sentido da mobilización.

Manifestacion Vivenda Coruna. 4

 

View this post on Instagram

 

A post shared by Xornal da Coruña (@xornaldacoruna)

Non quedaron impunes os bancos (tamén se cantaron “Os bancos rouban, a Xustiza colabora” e “Desafiuzamento para os banqueiros”) sinalados como principais culpables da crise da vivenda xunto cos fondos boitres e os multipropietarios. De feito, os panfletos informativos ubicaban nun mapiña sedes dos bancos e de empresas vinculadas á crise (de desokupación, de alugueres curtas, promotoras de vivendas de luxo…)

Colectivos como o Sindicato de Estudantes, Podemos, a Plataforma Galega pola Vivenda Xa, o Movemento Galego en defensa do sistema público de pensións, secundaron e puxeron cor coas súas pancartas e bandeiras, para deixar claro que a sociedade está en absoluto desacordo coa suba desorbitada dos prezos dos alugueres, o auxe dos pisos turísticos, as dinámicas especulativas e, en definitiva, o tratamento da vivenda como ben de mercado.

Manifestacion Vivenda Coruna rentistas culpables

O emprobecemento das familias traballadoras, a precariedade son algunhas das principais críticas que se fan ao modelo inmobiliario capitalista, deixando claras as demandas xenéricas dos colectivos sociais arredor do movemento acabemosconelnegocio:

  • Redución e control dos prezos dos alugueres.
  • Regulación e limitación dos alugueres turísticos.
  • Recuperación das vivendas baleiras para uso habitacional.
  • Freno á compra especulativa de vivenda.

Galería

Máis novas

Cinco voces, ducias de argumentos para acodir á manifestación “Acabemos co negocio da Vivenda”

#Ninmedionormal, a campaña de @o.novo.normal.coruna pola Emerxencia Inmobiliaria

O Pleno tamén aproba a Ordenanza para regular as Vivendas de Uso Turístico

 

As 10 promocións urbanísticas formuladas na Coruña prevén a construción de 18.000 novas vivendas

 

ÚLTIMAS

Piden crear un novo e consensuado documento que sirva de Bases para o plan Coruña Marítima

Unha vez rematados os , con baixa participación, os talleres temáticos sobre o Plan...

Rescatan a unha persoa insconsciente tras un incendio na súa vivenda no barrio da Sacra Familia

Unha persoa foi rescatada durante a noite deste domingo tras declararse un incendio na súa...

Denuncian que o COF de Orillamar non pode nin atender o teléfono por falta de persoal

Continúan os problemas no Centro de Orientación Familiar de Orillamar. Un servizo sanitario dependente...

Pacma concéntranse na Coruña contra a nova normativa que permite a caza do lobo ibérico

O Partido Animalista (Pacma) secundou na Coruña unha concentración a nivel estatal este domingo para...

DEIXAR UN COMENTARIO

Please enter your comment!
Please enter your name here