O porto da Coruña recibiu este martes a cinco cruceiros. Trátase, informa a Autoridade Portuaria, da primeira escala quíntupla en toda a traxectoria da instalación portuaria e a segunda maior da historia.
A mesma só ha foi superada o 2 de maio do 2014 pola chegada de seis cruceiros, “aínda que aquela vez de menor eslora e número de viaxeiros”, precisa. Entre pasaxeiros e tripulacións, este martes chegaron 14.500 persoas nunha soa xornada. Ao redor de 150 persoas participaron no operativo, que implica á Policía Portuaria, forzas de seguridade, vixilancia, subministracións, transporte, empresas portuarias e servizos turísticos.
A Autoridade Portuaria da Coruña leva varias semanas preparando o dispositivo especial, que inclúe a habilitación de catro terminais e un servizo de 10 autobuses lanzadeira para axilizar as entradas e saídas dos pasaxeiros. Ademais dos dous cruceiros que tamén chegaron o luns, esta semana haberá unha tripla escala o domingo, unha dobre chegada de transatlánticos o xoves e outra escala de cruceiro tamén o mércores. En total, en só unha semana, serán 13 barcos e uns 40.000 visitantes.
Ver esta publicación en Instagram
