Este ano, a rapazada foi a gran protagonista da XXI Festa do Pan. Os talleres infantís foron unha das actividades máis agradecidas, permitindo que os máis pequenos aprendesen os pasos para elaborar esta delicia.
Carral continúa transmitindo así ás novas xeracións o seu secreto máis valioso: a fórmula para elaborar os seus afamados bolos.
As colas para participar nos talleres tamén se repetiron no punto de venda dos bocadillos cardiosaludables, feitos con pan de Carral, xamón serrano, tomate e aceite de oliva. Foron un total de 6.000 bocadillos vendidos ao longo da fin de semana.
A actividade na xornada inaugural da Festa do Pan, organizada polo Concello e a Asociación de Panadeiros, prolongouse duerante dous días, con especial protagonismo para a feira medieval, representacións de teatro por parte do alumnado do IES de Carral, espectáculos de zancudos e malabaristas e música a cargo do Grupo Ritmo, do Grupo Arnela de Carral e a Parranda Labradores (Lanzarote) e de América S.L.
