InicioCULTURAA provincia da Coruña pon en valor o traballo realizado polas persoas...

A provincia da Coruña pon en valor o traballo realizado polas persoas con discapacidade a través dunha mostra fotográfica

Publicada o

Por europapress

Deputación da Coruña e Cegasal (Asociación de Centros Especiais de Emprego sen Ánimo de Lucro) deron comezo este luns no Teatro d Beneficiencia de Ortigueira a unha mostra fotográfica itinerante que visibiliza a realidade laboral das persoas con discapacidade.

Trátase dunha exposición obra do fotógrafo coruñés Diego Silva, que percorreu durante dous anos e medio os centros especiais de emprego da entidade para plasmar coa súa cámara a actividade diaria destes profesionais.

No acto, Formoso expresou a “grande admiración” que dixo sentir polo traballo de entidades como Cegasal ou Cogami e destacou a súa “capacidade de incorporar ao mundo laboral a tantas persoas, durante tantos anos e en distintos sectores, sen ningún tipo de discriminación, dunha maneira realista, con integración real nos mercados, con calidade e nas mesmas condicións que o resto”.

“É de admirar o seu crecemento e a maneira sensible co que o fan, sabendo ler as necesidades do futuro e sabendo encaixar todas as pezas”, relatou.

A exposición, que estará ata o 24 de xaneiro en Ortigueira, desprazarase a outras localidades como Carballo, A Pobra do Caramiñal ou Arteixo. A mostra está composta por 24 imaxes e máis de 24.000 palabras para “sacar do silencio a capacidade laboral das persoas con discapacidade“.

ÚLTIMAS

Inés Rey: “A remodelación dos cantóns integrará ao porto na cidade”

A alcaldesa da Coruña, Inés Rei, manifestou que a remodelación dos Cantóns "abre a...

A alcaldesa de Cambre explica a súa dimisión polo “boicot de PP, PSOE e BNG”

"Os 11 concelleiros de PP, PSOE e BNG de Cambre estamos a boicotear o...

Comeza a funcionar a sociedade xestora da Cidade das TIC na Coruña

A sociedade xestora da Cidade das TIC comezou a funcionar ao constituírse este xoves...

Mobilización da CIG diante do Servizo Público de Emprego na Coruña en demanda de máis persoal

Representantes de CIG-Administración Pública concentráronse este xoves ante a dirección provincial do Servizo Público...