A duodécima edición do Festival Mar de Mares, que se celebrará ata o 15 de xuño, arrincou este venres coa súa tradicional apertura no Mercado de San Agustín. Durante a apertura, a bióloga Odile Rodríguez de la Fuente, afirmou que este é un festival “paradigmático e exemplar, recoñecido en toda España e, pronto tamén a nivel internacional”. “O mar aínda necesita moita máis concienciación: temos que coller esa bandeira e levala máis aló da Coruña”, remarcou. Pola súa banda, a concelleira de Medio Ambiente, Yoya Neira, sinala que o festival permite que todos “toquen realidades que ás veces se esquecen”. “A cidade viviu moitos anos de costas ao mar e agora é tempo de mirar facía el”, remarcou.
XORNADA DO SÁBADO
A xornada do sábado comezará con avistamento de aves na contorna da Torre de Hércules, unha oportunidade única para descubrir especies locais e migratorias da man do equipo de Puertas Fuera. Ademais, haberá unha travesía en veleiro, cun picnic mariñeiro a bordo e explicacións sobre o ecosistema.
Desde as 11.00 horas o Mercado de San Agustín acollerá unha intensa programación con talleres ambientais, charlas, música en directo, showcookings e actuacións.
Tendes toda a programación en www.festivalmardemares.org e podedes inscribirvos nesta ligazón.
Crónicas dos anos pasados
O festival Mar de Mares converterá A Coruña en xuño na “capital mundial dos océanos”
3 toneladas de lixo extraídas do mar da Coruña no marco do Festival Mar de Mares
