Vístese de gala o Anfiteatro do Parque de SantaMargarida este sábado 14 de xuño para a Foliada e XXII Romaría do Lecer. Organizada pola AC Xacarandaina, é unha das citas máis importantes da tradición na cidade da Coruña.

A xornada arrinca ás 18:00h coa Foliadiña, na que participarán grupos de rapazada como as Xoaniñas e Charabiscas, as Tarandeiras, as Paroleiras e Libeliñas, as Pingas de Son, os Ruxeiros, Gandaina, Algareo, Os Rueiriños de San Pedro de Nós e os Tileiros.

Entre Foliada e foliada, á 21:30h, haberá concerto de Unto Vello, dende a Costa da Morte.

Xa a partir das 22:30h, chega a gran Foliada, con bandas como a Galantiñas, Argalleiros, Alxibeira, Barulleiras, As Netas de Quen, Xodó, Queiroa, Argallo e Gargallada, ademais, por suposto, dos gaiteiros e pandereiteiras de Xacarandaina.

 

View this post on Instagram

 

A post shared by A.C. XACARANDAINA (@xacarandaina_oficial)

Máis novas

Chega o Festival #Aquítaménsefala co mellor da escena musiqueira galega para a mocidade herculina