O Parlamento de Galicia pediu á Xunta, por unanimidade dos grupos, que se coordine co Concello de Oleiros (A Coruña) para mellorar a seguridade viaria dunha estrada autonómica.

En concreto, reclama esta melloría na AC-173 no Couto e o texto aprobado finalmente –tras a transacción entre PP, BNG e PSdeG– apunta a que se faga “de acordo coas solucións propostas polos técnicos de ambas as institucións”.

A proposición non de lei debateuse na comisión de ordenación territorial e foi autoría do PSOE galego, aínda que populares e nacionalistas presentaron emendas.