A Deputación da Coruña promove as xornadas ‘A cultura é un dereito’, centradas na relación entre arte, creación e territorio, informa. O palacio provincial acolleu esta mañá a presentación, na que participaron a deputada de Cultura, Natividade González, e a comisaria das xornadas, Sara Fraga.

O programa terá lugar o 28 de agosto en Oza-Cesuras e contará con diferentes relatorios, mesas redondas e conferencias, entre outras actividades. Esta edición céntrase na relación entre arte, creación e territorio, cun programa que destaca a comarca das Mariñas como exemplo de dinamismo cultural. Con esta iniciativa, a Deputación busca consolidar “un espazo de encontro entre profesionais da cultura, creadores, institucións e público interesado”.