Este venres celebraba o Centro de Inserción (CIS) da Coruña o Día da Mercé, a data máis importante para as institucións penitenciarias. Un día para agradecer ao labor dos funcionarios que se xubilan este curso, e para recoñecer o compromiso de persoas que ennoblecen o traballo de inclusión do centro.

A única persoa recoñcida de fóra CIS foi Xosé Manuel Barros. A dirección do centro quixo agradecer, cunha Medalla, a implicación da alma da Asociación Mar de Fábula, que leva varios anos organizando unha pioneira actividade cos internos que cumplen a última part da súa condena no CIS.

“Comparto este recoñecemento COAS persoas residentes no CIS”, comezou agradecendo aos “verdadeiros protagonistas desta iniciativa de concienciación medioambiental e de limpeza activa do mar, que levan anos chamando a atención a esta sociedade dura e clasista na que están en proceso de inclusión”.

Barros, visiblemente emocionado, a pesar da súa longa traxectoria como activista medioambiental tanto na Costa da Morte (Mar de Fábula ten a súa centro de operacións en Camelle) como na Coruña, recoñeceu que “a actividade Entre Crebas está a ser a máis emocionante de todas as accións que levamos realizado con Mar de Fábula en máis dunha década”.

Unha actividade que segue en marcha, e que este mesmo vindeiro mércores volverá convertir unha vintena de persoas privadas de liberdade en auténticos axentes do cambio de conciencia sobre o noso planeta.

A xornada, que contou coa participación do delegado do Goberno, Pedro Blanco, do novo subdelegado Julio Abalde e da subdegelada de Xunta na provincia Belén Docampo, remataba con vídeo que, baixo o título “Camiñando cara ao liberdade” recollía numerosas actividades, boa parte organizadas por entidades como a propia Mar de Fábula ou a Fundación Érguete.