A Audiencia Provincial da Coruña acollerá a próxima semana o xuízo contra sete persoas acusadas de traficar con grandes cantidades de cocaína, cannabis, MDMA e ketamina. Os feitos remóntanse ao ano 2023, cando o Equipo de Delincuencia Organizada Antidroga (EDOA) organizou un dispositivo de vixilancia do principal acusado, así como doutro seis persoas que poderían estar vinculadas con el no tráfico ilícito de sustancias en distintas cidades.
Dentro deste operativo, os axentes pararon o 5 de outubro a un dos procesados conducindo un camión no que localizaron varias mochilas con diferentes sustancias estupefacientes no seu interior. En concreto, acháronse 141 quilos de cannabis, case medio quilo de MDMA en po, outros 793 comprimidos de MDMA e preto dun quilo de ketamina.
Días despois, outro procesado foi interceptado nunha furgoneta na que ocultaba cinco paquetes cun cinco quilos de cocaína. Por mor destes achados, procedeuse á entrada e rexistro das vivendas de todas as persoas vinculadas, onde se localizaron distintas cantidades de diñeiro, básculas de precisión, pequenas cantidades de diferentes drogas, chaves de vehículos, móbiles e termoselladoras, entre outros elementos vinculados ao tráfico de drogas.
Fiscalía pide para os procesados, segundo o seu grao de implicación, penas que van desde os 18 ao catro anos e medio de prisión, así como o pago de multas de ata 6,2 millóns de euros.
