Concentráronse as familias da ANPA do CEIP Ramón María del Valle-Inclán de Oleiros ante a “grave situación que está a sufrir o centro debido a unha alarmante falta de persoal docente”. Ao berro “Neste centro, faltan mestres”, as familias reivindicaron o seu dereito a un ensino público de calidade.
A ANPA lembra que no colexio faltan, cando menos, 2 docentes, xa que o que a ratio alumnado/profesorado é do 12,2%, cando segundo datos do Conselleiro de Educación, a media en Galicia é do 9,9 e en España do 11,3.
Ademais, o colexio non foi reforzado con ningún profesor MEGA, tamén coñecido como profesorado de apoio á inclusión, o que dificulta que no centro se poida impartir un ensino de calidade, personalizar o apoio educativo e garantir a inclusión e o desenvolvemento integral do alumnado.
Así, conclúen, “a situación descrita no comunicado á Xefatura Territorial, compromete seriamente a seguridade dos menores (no noso colexio, no ano 2023 un menor perdeu a visión dun ollo nunha situación de precariedade como a descrita) e o dereito fundamental a recibir as horas lectivas correspondentes”.
En contacto coa Dirección, co Concello e coa ANPA veciña
Dende a ANPA que están en contacto coa Dirección do Colexio e co concello Concello de Oleiros, que en todo momento nos amosou o seu apoio e colaboración, lembrando que xa enviaron unha solicitude por rexistro, tanto á Xefatura Territorial da Consellería de Educación como á Inspección Educativa para que “revirta esta situación e dote do persoal necesario ó noso colexio, sen que haxa resposta ata día de hoxe”.
Tamén están en contacto coa ANPA Nós Oleiros do CEIP Juana de Vega, que está a levar a cabo accións co fin de tratar de solucionar un problema semellante no seu colexio, e traballamos coa idea de sumar forzas se as nosas demandas non son atendidas.
Máis novas sobre os recortes
A ANPA do CEIP Concepción Arenal traslada as queixas pola redución do profesorado de apoio
Outras novas das ANPAS
ANPA RASA: “Os centros públicos están privatizados case durante media xornada lectiva”
ANPA Avantar: “Non debería recaer nas ANPAS a responsabilidade do comedor”
