Precipitacións, ondada, treboadas e vento activarán este xoves os avisos nun total de seis provincias, segundo a predición da Axencia Estatal de Meteoroloxía (AEMET).
En concreto, con avisos por choiva estarán Alacante, Valencia, A Coruña, Pontevedra, Eivissa e Formentera, Mallorca e Menorca. Respecto dos avisos por treboadas daranse en Eivissa e Formentera, Mallorca e Menorca, mentres que os avisos por ondada espéranse na Coruña, Pontevedra e Almería. Ademais, A Coruña tamén terá avisos por ventos de ata 80 quilómetros por hora (km/h).
O AEMET prevé para este xoves que os restos das baixas presións que afectaron este mércores á Península se despracen cara ao leste, mentres que unha circulación atlántica acompañada dunha fronte entrará polo oeste pola tarde.
Así, os ventos en Galicia poden ser fortes ou moi fortes a partir da tarde e moderados ou puntualmente fortes no resto, acompañados de fortes chuvias, que aguantarán ata a madrugada.
Para mañá venres mellorará a cousa, cuba subida de temperaturas, unha baixada do vento e unha alternancia de nubes e claros, se ben é posible que volva chover pola noite, para o Samaín.
