A sexta edición de Noites do Porto xa ten datas. O festival que mellor coida ás salas da cidade dá unha volta ao seu calendario e adianta a programación para converterse, a partir de 2026, no primeiro festival de música do verán da Coruña.
Así, desde o 22 de xuño e ata o 15 de xullo, Noites do Porto ofrecerá quince días de programación musical nos que primará o carácter que define ao evento desde a súa creación en 2021: calidade, eclecticismo, propostas singulares, estreas e directos únicos tanto na Coruña como en Galicia.
Afirman que a sexta edición de Noites do Porto será a máis ambiciosa de todas as celebradas ata o momento, coa incorporación de novos espazos, máis contidos e novas cápsulas de programación. Pero sobre todo, ratifica a súa aposta polas salas de concertos, artistas, creadores de diversas disciplinas e, especialmente, o público.
Máis novas do Noites
Océano Eskizo revive na Mardi tres xeracións de punk coruñento
O Jazz Filloa, unha das salas de jazz máis antigas de España, abriu o Noites do Porto
“I know it could be safer to stay at home”. Crónica amarga do concerto dos Lemonheads
O Bristol, as salas da cidade e La Casa Azul, protagonistas do Noites do Porto
8.400 persoas gozaron dos concertos especiais das Noites do Porto
