Non é casualidade que o festival Noites do Porto escollese o mítico Filloa para abrir a súa quinta edición. A sala da rúa Cega leva 45 anos traendo músicos de todo o planeta a esta cidade, e é unha das salas de jazz máis antigas de todo o estado. E por iso, como homenaxe as salas da cidade, o festival coruñés quixo dar aí o pistoletazo de saída a un ciclo de concertos singulares que rematarán no 2 de outubro e que terán picos de moción como o concerto de La Casa Azul (o de Ilegales tivo que ser modificado por un problema de saúde) ou o da nova/vella banda de míticos coruñentos Océano Eskizo na Mardi.
“Such a funky club”, bromeaba Yazz Ahmed dende a súa pequena “cociña”, xunto ao seu pinche Raph Wyld, no primeiro pase da apertura do Noites do Porto. 60 persoas ateigaban o pequeno pero máxico recanto musical, megullándose nunha atmósfera espacial provocada pola trompeta, o fliscorno e os aparellos electrónicos de distorsión da artista compositora británico-bahreiní.
Ao seu carón, o percusionista británico Ralph Wyld, facendo mover catro baquetas como poucas veces se ten visto, e dando conta de temas máis antigos, e doutros temas do seu novo e “desestruturado” álbum, A Paradise in the Hold.
Queda moito Noites do Porto, esta cita que estira o verán ata o imposible, e que nos manterá na tolemia festivaleira estival ata comezos de outubro.
View this post on Instagram
Máis novas e todo o cartel
O Bristol, as salas da cidade e La Casa Azul, protagonistas do Noites do Porto
